صرت عنده بالغلا حسبت شقيقه

من نسى في زحمة الدنيا رفيقة
قلت له عندي رفيق مانساني
لو يطول الوقت ويطول طريقه
ادري انه لو يطول البعد جاني 

بيني و بينه على العشرة وثيقة ..
ان بديته بالغلا والا بداني
صرت عنده بالغلا حسبت شقيقه
هو بعد غالي ومن حسبت اخواني

ياصاحبي لعل في هجرك لنا خيرة

ياصاحبي لعل في هجرك لنا خير

 لا صار ماعاد في قلبـك لنـا طـاري

حكم القـدر ياحبيبـي صعـب تغييـره

مادام بعت الحبيب اللي لكـم شـاري

زرعي حصدته بعد ما بـان تزهيـره 

 خليت دمعي بعدكـم مثـل الامطـاري

من اولٍ ياحبـيـبـي تشكي الغيرة

واليوم قلبك لهجـري صـار جبـاري

يازين حالـي علـى الله سهـل تدبيـره 

 مانيب مـن بعدكـم جايـع ولا عـاري

ابيك تعرف ان لك صاحب بكل مافيه يغليك

ابيك تعرف ان لك صاحب بكل مافيه
يغليك .....
بكل ماعطاه ربي من احاسيس
يحتويك ..... !!
روحه حياته حتى جروحه
تفتديك....
لاتظن انه في يوم يقدر
ينتسيك .....
يبيك تذكره لاصارت الليالي
تجتفيك .....
وتدعيله:
" عسى الله له يخليك "

أشتقت لك ياصاحبي وين ألاقيك.؟

أشتقت لك يا صاحبي وين الاقيك؟
محتاج لك بالحيل ودي اشوفك..
اشتقت اسولف معك واسمع حكاويك
واللمه الحلوه وباقي مزوحك
ياصاحبي من كثر ما اطريك واغليك..
صرت اتحلم فيك واصحى واشوفك!

ياصاحبي كيفها دنياك

ياصاحبي كيفها دنياك ...يطول الصمت ماتسأل..؟!
تهوجس في ظروف الوقت والا غيبتي أجمل..؟!
أو إنك ماتطيق الصعب حسيت الغياب أسهل..؟!
ياخوي مسموح لا تبقى ولا ترسل
أعزك حاضر وغياب وقلب عمره مايزعل

من قال أن الصداقه تنحسب بأعوام...!!

من قال أن الصداقه تنحسب بأعوام...!!
‏
غلطان فعلا ومايعرف الحقيقه...
‏
ألفه وتألف بين الأرواح...
‏
وشعور يجمع كل صديق وصديقه...

قرب وتقارب بين الأفكار:
‏
آراء متفقه ونظرة وطريقة....
‏
حب ومحبه مابين,,{ الأصحاب:
‏
وأخلاص دايم ومحبه شديدة:
‏
حياة عمري ياغلا كل الاحباب:
‏
صداقتك والله في فؤادي عميقه...

ياصاحبي طالت علي المسافه

يا صاحبي طالت عليّ المسافه
كل ما نشدتك قلت لي الدرب قدام

وعدك مثل باكر احبه واخافه
و ماينقضي باكر على مر الايام

كان التعب يثمر فلا به كلافه
الله لو نقطف ثمر بعض الاحلام

ما اقول ضاع العمر عندك حسافه
إنت الثواني عشتها و انت الاعوام

ودي ربيع الغصن يسبق جفافه
يا مسقي العطشان من كاس الاوهام

كانك تعاف الصد حنا نعافه
و لا سهرت عيوني تبي عينك تنام

من لا خبر منك جميلٍ خلافه
ما يملكه وعد ترى السعد قدام